Easy to avoid God...

In our own time and place it is extremely easy (to avoid God). Avoid silence, avoid solitude, avoid any train of thought that leads off the beaten track. Concentrate on money, sex, status, and (above all) on your own grievances. Keep the radio on. Live in a crowd. Use plenty of sedation. If you must read books, select them very carefully. But you’d be safer to stick to papers. You’ll find the advertisements helpful; especially those with sexy or a snobbish appeal. C.S. Lewis

dans in die skemer

Margie Fontaine was asked after a dance: “Could you explain it?” She answered: “If I could explain it I would not dance it.” Dans in mistige skemer van verwondering.

kersfees

liggies brand op elke straat

en die mense word vir niemand kwaad

want dis kersfees in ons stad

tienduisend vader krismisse

is nat gesweet in hul sneeumusse

want dis kersfees in ons stad

'n honderd winkels in 'n ry

is almal innig lief vir my

en my geldvriend sal my help betaal

en wie moet ek bedank

as ek vir iemand 'n present kan koop

bier kan drink tot die trane loop

of jou lekker lyf

my liefiewyf

kan druk as ons dans

o, 'n katjie

of 'n hondjie

of 'n ringetjie vir jou

my dingetjie vir jou

selfmoord anoniem

se skof is nou van tien tot tien

want geld kan nooit die liefde koop

en partytjies moet ten einde loop

liggies brand op straat

en die mense word vir niemand kwaad

want dis kersfees in ons stad

spaar my

here

spaar my

spaar my nog 'n kersfees

sonder u

Christianity isn't simple

If Christianity was something we were making up, of course we could make it easier. But it is not. We cannot compete, in simplicity, with people who are inventing religions. How could we? We are dealing with fact. Of course anyone can be simple if he has no facts to bother about. C. S. Lewis

everywhere

i stumble over you everywhere

i cannot escape

your all-over-godness

i run from you

into you

i hide from you

inside you

i fight you

with these fists you made

in every truth

you whisper

and in every lie

i am building my great wall

to keep you out

and then i hear

these very stones

as they shout

hallelujah

i have of late

been overcome

it is my fate

i am prisoner

in the freedom

and the danger

of being

everywhere

with you

dark night

so now together

into silences

holy and deep

and sad

so now together

into darkness

solemn and near

clouds of unknowing

unseen sanctuary

together

into holy sadness

let no one laugh

except in tearful waiting

let no one cry

except in hillarious hope

let no one bring

wisdom

except in foolishness

like belief

so now together

into silences

holy and deep

and sad

like crosses

and graves

together

into tarrying

holy pain

of waiting

together

into faith

and holy doubt

into resurrections

so now together

into prayer

from silences

into shouting

high rage

deep trust

together

into tears

washings

the holy dying

of living

liefdesgedig

Saam. Die eenwees van die hart. In die ritme van die liefde. Die dans waar sý sterkte gee as hý swak is. Waar hý lig gee as sý in skemer is. Maar dis 'n dans van saamwees. Sonder saamwees kom eensaamwees. Bly in die dans.

saam

as woestyne om jou lê

sal ek waters oor jou sê

en as dit droog is rondom my

sal ek strome by jou kry

word my wêreld êrens te nou

kom kry ek ruimtes hier by jou

as die skadu’s oor jou kom

kom soek by my 'n stukkie son

kom ons tot rus of kom ons tuis

of ons op verre paaie reis

as daar stormwinde woed

in die bitter of die soet

ons is saam

ons twee is saam

as die winter trietsig nader kom

en die koue winde saam met hom

as die lewe hartseer wysies sing

sal ek vir jou 'n lied wil bring

jy sal sterk wees is ek swak

en ek sal aanhou as jy knak

en as ons altwee dalk verdwaal

sal ons Herder ons kom haal

kom ons tot rus of kom ons tuis

of ons op verre paaie reis

as daar stormwinde woed

in die bitter of die soet

ons is saam

ons twee is saam

ja ons is saam

as woestyne om jou lê

sal ek waters oor jou sê

en as dit droog is rondom my

sal ek strome by jou kry

naggebed

God is goed. Hierdie is die fondasie van ons geloof. Keer terug hierheen as die lewe sy donker oor jou gooi. As jy jou teologie moet opsom met drie woorde, laat dit hierdie drie woorde wees. Gaan stoei met woorde soos “almag” en “alwetendheid” en “boosheid”. Soek verklarings vir die skeefloop van dinge, maar as dit daarop neerkom dat jy hierdie drie woorde van jou teologie moet verander, gaan soek weer.

naggebed

ek glo dat U God is oor die lig en die nag

ek glo dat U God is oor die donker en die dag

U is

en daar is nêrens waar U nie is nie

geen diepte kan U uithou nie

geen donker kan U weghou nie

orals waar daar plek of ruimte is

en orals waar U is, is U God

en orals waar U is, is dit reg

en orals waar U is, is dit goed

as ek nie kan sien nie

as ek nie kan hoor nie

as ek nie verstaan nie

wees by my

ek glo dat U God is oor die engel en die stof

ek glo dat U God is oor my klagte en my lof

U is

en daar is nêrens waar U nie is nie

geen swakheid kan U uithou nie

geen skande kan U weghou nie

orals waar ek boos of heilig is

en orals waar U is, is U God

en orals waar U is, is dit reg

en orals waar U is, is dit goed

as vrae onbeantwoord bly

as deure ongeopen bly

en dinge word te veel vir my

wees by my

want orals waar U is, is U God

en orals waar U is, is dit reg

en orals waar U is, is dit goed

in die nag

wanneer ek nie weet nie

sal ek weet

U weet

U hoor

U sien

U is

en daarom

is daar lig

ook in die nag

one vast need...

Our whole being is by its very nature one vast need; incomplete, preparatory, empty yet cluttered, crying out for Him who can untie things that are now knotted together and tie up things that are still dangling loose. C. S. Lewis

kommentaar oor 'n oppervlakkige samelewing en kerk

Die koue rillings toe ek my seun se oë sien, sal ek nooit vergeet nie. Sy vraende uitroep. Pappa dit kan mos nie reg wees nie. Die TV evangelis se woorde: Gee nou. Gebruik jou kredietkaart. God gaan jou 'n deurbraak van miljoene gee. En die engele het gehuil.

strate van goud

die mense jaag in dolheid

om na rustigheid te spoed

waar dit leeg is soek almal volheid

en dit raas soos ons stilte soek

en ek wonder waar dit alles heengaan

want dit lyk my ons is blind

wie sal die malligheid dan kan laat stilstaan

en ons help om ons pad te vind

ek kyk na die blink gladde spreker

op die christen tv kanaal

hy belowe my alles sal beter

ek moet net my tjekboek gaan haal

en my seun sit en kyk die profeet

hy sê pa hier is mos iets fout

en die prediker blink van die sweet

soos hy preek oor die strate van goud

daar was sondag 'n genesingsveldtog

hy’t haar beveel gooi jou kruk weg en loop

en maandag bid sy Here help tog

ek moet 'n nuwe kruk gaan koop

en hartseer sit sy en wonder

die man het dan gesê sy’s genees

sy’s maar seker te swak en vol sonde

en bestem om so kreupel te wees

o kom tog Here en help ons

want die dinge het deurmekaar geraak

bring waarheid en liefde tot by ons

dat ons die kromheid tog reguit kan maak

kom stuur ons op paaie van omgee

stuur ons na die nood en die pyn

verlos ons van hoogmoed en voorgee

o verlos ons van hebsug en skyn

Jammer vir die onaktiwiteit

As jy teleurgesteld was oor 'n maand se onaktiwiteit is ek regtig jammer. In die afgelope maand is ek omgepraat om my gedigte en gedagtes op Facebook te publiseer. Ek wou nog nooit die Facebook ding doen nie, omdat ek nie daarvan hou om aan die hele wêreld elke dag te vertel hoe ek voel en waarmee ek besig is nie. Tog is dit 'n baie goeie medium waardeur 'n mens dít kan doen wat ek op hierdie blog doen. Almal is egter nie op Facebook nie, en daarom sal ek voortaan alles wat ek daar publiseer ook hier laat verskyn. Hier dan 'n paar gedigte en gedagtes om in te haal....

The man who is contented to be only himself, and therefore less a self, is in prison. My own eyes are not enough for me, I will see through those of others. C. S. Lewis

mammon

êrens buite skuif dinge

waai dit

onkeerbaar

onbekend

wild soos gulsige winde

alle gisters

is meer as ooit verby

die onvastigheid

vaster as ooit

nuwe meesters

gee nuwe redes

vir nuwe krisisse

en kleines

bid tot stille gode

en wonder

wie skuif alles deurmekaar

en luister

na nuwe beloftes

en hoop

dat dit nie leuens is nie

is dit waar

wat profete prewel

dat die nuwe grotes

self die winde bring

self die krisis

self die aanval en die toevlug?

is dit waar

dat díe winde

mammon

en armagéddon

bring?

In the court case of the stolen apple pie, the fingers blamed the hands for moving them, the hands accused the arms, the arms blamed the eyes for looking at the forbidden food, the eyes blamed the neck for turning the head, the neck blamed the nose for smelling and the nose blamed the brain for planning the theft. The brain blamed the heart for allowing the state of affairs.

And the heart was guilty. Koos van der Merwe

The man who is contented to be only himself, and therefore less a self, is in prison. My own eyes are not enough for me, I will see through those of others. C. S. Lewis

To love at all is to be vulnerable. Love anything, and your heart will certainly be wrung and possibly be broken. If you want to make sure of keeping it intact, you must give your heart to no one, not even an animal. Wrap it carefully round with hobbies and little luxuries; avoid all entanglements; lock it up safe in the casket—safe, dark, motionless, airless—it will change. It will not be broken; it will become unbreakable, impenetrable, irredeemable. The alternative to tragedy, or at least to the risk of tragedy, is damnation. The only place outside Heaven where you can be perfectly safe from all the dangers and perterbations of love is Hell. C. S. Lewis

Indeed, if we consider the unblushing promises of reward and the staggering nature of the rewards promised in the gospels, it would seem that Our Lord finds our desires not too strong, but too weak. C. S. Lewis

besoek

moment

van lig

lafenis

van lewe

onverwags

ontmoet U my

hier waar ek bly

ontskadu

en ontseer

bid ek

kom tog weer

londen

mynie was raadop toe word mynie wys

toe’t mynie om die wêreld na londen gerys

met werk en met geld uit die as verrys

niks vaal of vervelig of eng soos haar huis

want mynie ry rond van milan tot parys

sy het ponde en euros in haar ver paradys

en alles werk uit ja alles is pluis

niks outyds soos destyds se kerk met ’n kruis

en mynie word ryk maar ken sy die prys

wat londen van mense se siele vereis?

want londen word koud en sy hemel word grys

die vraag begin kriewel: waar eindig die reis?

mynie is eensaam en mynie is broos

mynie is skaam sy is moedeloos

en londen is koud en dis harteloos

mynie bel huis toe sy huil en sy bloos

want londen voel wreed en so goddeloos

o londen voel wreed en so goddeloos

die refrein op die telefoon klink oor en oor

ek het die here hier êrens in londen verloor

kerkraadrap

biddelose bennie

vriend van vredelose frans

goed bekend met harde hennie

neef van hartelose hans

bel vir sedelose sarel

seun van tiendelose teuns

hy soek na kragtelose karel

met sy liefdelose seuns

tradisievaste tobie

oom van moedelose maans

sê hy's by broer kommer-kobie

saam met suurgesig stefaans

daar's-nie-geld-nie-gert se bure

in gesprek met hartseer henk

en ferdie vegter van die vure

asook doepie-diep-gekrenk

het met versigtige gerhardus

in losies by nooit-nie-nols

gesteun deur anti-als-albertus

in gelid begin te gons

gekoöpteer, maar nie aanvaar nie

is murmureer-mathys

hy't aanvaar maar is nooit daar nie

dis saboteur-sagrys

baie bang vir koue aande

is oom krisis-kris

al verkoue vir twaalf maande

is galgebraak-genis

hier kom 'n rap

dis 'n kerkraadrap

o dear dominee

dis 'n rap

rev them reverend

it's 'n rap

geen gebrek aan faksies

en niemand kom tot aksie

o koek

suster

dis 'n rap

arm

die bietjie vel

om ’n stukkie pens

die bietjie tel

van my een sikspens

die bietjie kwel

die bietjie wens

op die lappie veld

bly ’n flentertjie mens

volg

verstadig my

totdat ek

tree vir tree

sal kom

by die heilige weggeneemdheid

in die stowwerige stilte

van u spore

mammon

êrens buite skuif dinge

waai dit

onkeerbaar

onbekend

wild soos gulsige winde

alle gisters

is meer as ooit verby

die onvastigheid

vaster as ooit

nuwe meesters

gee nuwe redes

vir nuwe krisisse

en kleines

bid tot stille gode

en wonder

wie skuif alles deurmekaar

en luister

na nuwe beloftes

en hoop

dat dit nie leuens is nie

is dit waar

wat profete prewel

dat die nuwe grotes

self die winde bring

self die krisis

self die aanval en die toevlug

is dit waar

dat díe winde

mammon

en armagéddon

bring

kruik

krake

dreig

soos drake

neig

om al my brokke ek

uit dié gekraakte kruik

te breek

maar

diep versteek

lê tussen krake

die vashou

van die groot genade

wat my

stukkende

stukke ek

bymekaar hou

preek

kortliks inleidend

bly hy baie lank beduie

wat hy aanstons sal wil sê

en met aanstons

se uiteindelike aanbreek

bly hy tydens aanstons

nog langer beduie

wat hy inleidend bedoel het

om dan ten slotte

opsommend uit te brei

net om daarmee die pynigende

blywende onduidelikheid

ad infinitum

uit te rek

huil maar nou

in hierdie trane

sal hy jou was

huil maar nou

die rou

die seer

maak heel

en sag

en sag

in skaduwees van lig

sal díe donker

voor sy aankom vlug

en swig

huil maar nou

hy kom

en elke weggaan kwyn

huil jou vas aan hom

laat jou storms woed

jou pyn

jou kwaad

dis goed

laat dit waai

jou donker wind

van rou

groter hande

sterker arms

kom om jou vou

huil maar nou

huil maar nou

ter wille van die opdaag

ek leef vir hierdie stilte

en die aanhoudende soek

na u ontwykende

anderse heiligheid

want soms daag dit op

en maak my

ewig biddend

wagtend

dat u weer sal kom

ek leef vir hierdie stilte

en die kere dat u

dit heilig maak

besoedeling

treur oor jou oë

om die beneweling

ween dat hulle glo in skoonheid

wanneer 'n baie ver son

rooi skaam opkom

en onwillig help met die leuen

dat die betowerende wasigheid

oor die Vaal by Vanderbijl

uit 'n ewige kwas kom

vlugplek

soms wil ek alleen met ink

en woord die lig kom soek

waar ek bladsy bladsy dink

hier in die vlugplek van die boek

ek wil my hier met toebou

van die letterfort verskans

ek wil my hier met toevou

van die verskombers in gans

'n ander wêreld weg kom steek

in hierdie wasplek van gedagte

my siel kom reinig in die beek

van elke vraag en wrok en klagte

ek wil weer hier na woorde

van 'n beter wêreld soek

ek wil weer hier akkoorde

van 'n heelmaaklied kom groet

'n nuwe stilte meer en meer

waar ouer nuutheid hier van binne

van leef en liefde reg kan leer

bring vrede dieper as die sinne

hier wil ek alleen met ink

en woord die lig kom soek

waar ek bladsy bladsy dink

hier in die vlugplek van die boek

nagmaal

by die stukkende brood het ek

skaam soos die aarde

waarin die koring dood is

lewe kom eet

by die stukkende druif se trane het ek

wat die korrels gebreek het

gedrink

by die stukkende maal het ek

geëet en gedrink

en heel geword

reis

na die droomland van jou dye

dwaal ek weer en weer

om só tot lof die swye

van die liefde te besweer

ek hoor jou warm vel se sange

in die letters van my lyf se skrif

na jou heimlik weggesteekte drange

roep my openlike drif

soos die bakens wat my reis beheer

is die lakens waar ek jou begeer

messias

raaisels in antieke boeke

geheime eeue oud

voorspellings drome

wense soeke

van harte dors en koud

duisend verse profesieë

jota titel komma punt

onmoontlik dat in een messias

elke letter mening vind

net u is elke vraag se antwoord

elke nag se oggendson

ook my reis wat soekend kronkel

moet by u bestemming kom

ekwilibrium

die klankende menigte

roep

haastig

onsaam

met snelle angs

vir redding

uit die gedrang

op die roete na nêrens

uit die massas

roep ek :

maak my enkeling

eenling met U

alleen

tot ek

uit alleenheid

saamheid kan betree

die ontangsde

stil genade

van wegwees

voor die saamwees

in heilige ekwilibrium:

enkeling

sameling

roep

skamel flenters

om my armsalig-betoiïngde gees

wêrelde ver

van vlek- en rimpelloos

skrapse verklap

van die naakte ek

se diep roep

vir oorkleding

met genadelap

waarrondom

eeue terug

naby hout

en spykers

gedobbel is

u

u wat my ontwyk

u wat na my toe uitreik

u wat ver is

u wat hier is

u vir wie ek vlug

u na wie ek soek

u teen wie ek sug

u na wie ek roep

u wat blatant almagtig is

u wat konstant genadig is

u my groot bedreiging

u my diepste neiging

u wat verhewe en onsigbaar is

u wat benede en onmisbaar is

u uit wie ek kom

u my sin my slot my som

jaarbeplanning

met die

soewereiniteit

van gode

bepaal die vergadering

die verloop

van nog 'n jaar

skryf

die blokkies

van die toekoms

datum vir datum

vol

om in die jaar wat kom

soos slawe

te werk

om die gode

se wil

te laat geskied

almal wil

almal wil die stilte hê

maar niemand wil ophou raas nie

almal wil geken wees

maar niemand wil oopmaak nie

almal wil êrens kom

maar niemand wil weggaan nie

almal wil die berg op

maar niemand wil klim nie

almal wil slim wees

maar niemand wil geleer word nie

almal wil verstaan

maar niemand wil luister nie

almal wil maer word

maar niemand wil minder eet nie

almal wil hê

maar niemand wil betaal nie

almal wil ophou moeg wees

maar niemand wil tot stilstand kom nie

almal wil sien

maar niemand wil kyk nie

almal wil vrede hê

maar niemand wil ophou bekommer nie

almal wil hemel toe gaan

maar niemand nou al nie

Winkel

Ons 'Hoop' is ongelukkig op,

but we'll deliver C.O.D.

It's temporarily out of stock,

just wait till next week please.

En dié maand is die 'Joy' ook min,

maar ons het ’n nuwe batch bestel

en sometime kom daai order in-

exactly when I cannot tell.

En, sorry sir, 'Verstaan' is klaar-

ons laat jou weet as ons dit kry.

Dis skaars en duur en baie raar-

I really don't know what to say.

Daai laaste order, genuine, mister,

daar's niks meer oor van daai.

Ek sien jy vra vir net een 'Gister'-

it's dicontinued, sir, goodbye…

Verskoon, meneer, net voor jy loop,

ons special het ek nooit gemention.

Net eén 'Vandag' is nog te koop-

be sure to give it your attention.

membraan

laat dit dun wees

kwynend

soos die tydelikheid

van 'n gedagte

weg

soos 'n vergete droom

laat dit dun wees

en eindelik

verdwyn

die membraan

ingewikkel

tussen my

en u

gesig

toe die see my daardie heilige aand

soos 'n blinke hemel oorval het

kon ek net vir my oë sê: buig

terwyl my hart swyg: halleluja!

hy loop deur mure

hy loop deur mure

hy loop op waters

in die storms van die see

hy loop deur vure

hy stop die son

en skeur die see in twee

hy het eenmaal

op ’n derde dag

selfs vir die grote dood gelag

dit sal ek onthou

tussen hierdie mure

hy loop deur mure

verlang

daar lê lang en somber wense

in die afstand tussen mense

ver lê eendag

hier lê nou

tussenin lê berge blou

met die hartseer tussen daar en hier

bly die mens 'n kuddedier

in die stiltes

in die skuil tussen stiltes

in die heilige wind

in die skuil tussen stiltes

daar sal hy jou vind

met balsem en olie

en ewige wyn

waar angste van dolheid

in die eenkantkom kwyn

in die skuil tussen stiltes

is woorde van hoop

is dit moontlik om weer

jou siel terug te koop

droomloos

hy's in germiston gebore

ver van onder ver van bo

vir min is hy beskore

soos gemiddeldes maar glo

hy's droomloos in die lewe

hy's droomloos klein

hy's droomloos groot

hy's droomloos in die lewe

en hy's leweloos voor sy dood

sy naam is nêrens sleg nie

vir niks teen niks geveg nie

en hy het sekuriteit

stabiliteit

en 'n annuïteit

'n tragiese gebrek aan aktiwiteit

hy's droomloos

so droomloos

op skool verdwyn in uniform

in die kerk gekwyn onder plig en norm

sulke goeie maniere

so min avonture

hy's verantwoordelik

behoorlik

en droomloos

hy's in germiston gebore

hy was daar klein

hy was daar groot

hy's in germiston gebore

en daar is hy ook dood

in transito

lang momente

tussen krisisse

en katarsisse

deur grepe ewighede heen

om en om

dwalende sielsateliete

in firmamente

van oppadwees

riskante kontinuum

wentelbaan

van wordende

ampermense

veilig

in die gravitasie

van die groot planeet

van genade

ek begin alreeds wonder

is dit ver is dit eendag

is dit naby en gou

kom dit koud op 'n reëndag

of met sonskyn en blou

daardie dag as die einde

my eind’lik inhaal

daardie dag as die einde

sy buit kom haal

ja so loop elke storie

hy begin hy maak klaar

moenie dink dis nie so nie

dis vir almal waar

in 'n kar in die laatnag

alleen of met

mense wat wag

by 'n hospitaalbed

ek begin alreeds wonder

oor die dag as dit kom

kom ek met of sonder

waarskuwing om

want so loop elke storie

hy begin hy maak klaar

moenie dink dis nie so nie

dis vir almal waar

sal dit seer wees en stadig

of veilig en warm

kom my einde salig

en heilig en kalm

of sal ek bly vashou

versamel en kry

en sinneloos aanhou

tot die einde my kry

o so loop elke storie

hy begin hy maak klaar

moenie dink dis nie so nie

dis vir almal waar

gooi hartseer blomme

met 'n sluk en 'n traan

ons almal se somme

het 'n kom en 'n gaan

die einde kom eendag

vir my en vir jou

op 'n koue of reëndag

of met sonskyn en blou

is jy reg om te gaan

vra ’n wyse man my

en gelyk daarmee saam

is jy reg om te bly

devolusie

devolusie

dit was die tyd

toe dinge wat eers sterk was

begin val het

en gekraakte dinge begin word het

stadig

soos beloftes

wat een vir een teleurstel

dit was die tyd

toe dinge wat eers oral was

begin verdwyn het

soos drome

tot net planne oorgebly het

of verlange

dit was die tyd

toe dinge onduidelik begin word het

soos waarheid

en leuens

soos onbelangrike blou lug

om belangrike fabrieke

dit was die tyd

toe dinge begin stil word het

soos stemme

wat eers oor die tyd gepraat het

soos liede

wat eers nie soos ander liede geklink het nie

dit was die tyd

toe dinge wat eers heel was

begin skeur het

soos papier

en kontrakte

en vrede

en ander brose dinge

soos harte

en mense

dit was die tyd

toe dinge wat eers min was

baie begin word het

soos afleiding

en verveeldheid

dit was die tyd

toe dinge wat eers stadig was

vinnig begin raak het

soos kindwees

en onskuld

dit was die tyd

toe dinge wat eers weggesteek is

begin wys is

soos beddens

en lakens

en omhelsinge

en gebede

dit was die tyd

toe dinge wat eers baie was

min begin raak het

soos olie

en gedigte

en stiltes wat nie bang maak nie

en lag wat nie leeg maak nie

en liefdes wat nie ingeruil word nie

dit was die tyd

toe dinge wat eers eerste was

laaste begin word het

soos eer

en dapperheid

en respek

en ander ou dinge

dit was die tyd

toe dinge wat eers groot was

groter begin word het

soos skuld

en banke

en rykdom

en armoede

en mag

en magteloosheid

en boosheid

dit was die tyd

toe dinge wat eers maklik was

moeilik begin word het

soos om te verstaan

en te staan

soos om tyd te hê

dit was die tyd

toe dinge wat eers goedkoop was

duur begin word het

soos die tyd

dit was die tyd

toe dinge wat eers genoeg was

te min begin raak het

soos die tyd

dit was die tyd

toe dinge wat eers was

klaar begin raak het

soos die tyd

dit was die tyd

toe die dinge wat was

nie meer was nie

soos die tyd

dit was die tyd